موږ څوک یو؟

پېژندنه:

انسان مجله رسماً په ۲۰۱۳ کې تاسیس شوه او تر څو کلن کار او فعالیت وروسته په ۲۰۲۰ کې د پالیسۍ، څېړنو او ارتباطاتو د یو نوي جوړښت په شکل کې، انسان انسټیټوټ رامنځته شو. «انسان» یو خپلواک، غیر انتفاعي او ناتړلی څېړنیز بنسټ دی.
له بشري کرامت او سیمه‌ییزې سولې دفاع، د ډیموکراسۍ پیاوړتیا او د یو مرفه افغانستان او سیمې لپاره پراختیایي لیدلوری درلودل د «انسان» موقف دی. موږ غواړو دا موخې د خپلواکو څېړنو، پالیسي سلامشورو، حق‌غوښتنې، او رسنیزو پروګرامونو له لارې ترلاسه کړو. د دې ترڅنګ، «انسان» د مفکورو او نظریاتو د تولید او پر حکومتي سیاستونو د اغېز موندلو په موخه د متخصصینو او پالیسي جوړونکو ترمنځ آزاد ډیالوګونه رامنځته کوي.
په «انسان» کې موږ فکري نوښتونو، انتقادي تحلیل، او عملي پایلو ته ارزښت ورکوو چې د منځ‌پوهنیز تحقیق او مسلکي‌کار له لارې ترلاسه شوي وي.
«انسان» د علمي ټولنې، پالیسي شنونکیو او متخصصینو ترڅنګ عامه خلکو ته هم شفاف، د اعتبار او لاسرسي وړ دی. زموږ نشرات د ټولې نړۍ په کچه هم د افرادو او هم د بنسټونو لپاره پرته له کوم محدویت څخه د ترلاسه‌کېدو وړ دي.
د دې ترڅنګ «انسان» ژمن دی څو د خپلو نشراتو یوه ځانګړې برخه په وړیا توګه د افغانستان هرې سیمې ته ورسوي.
د خپرونو، غونډو، رسنیز حضور او خبرو اترو له لارې «انسان» د اړوندو بنسټونو لپاره د پالیسي ارزونې د فعالیت په یو ځانګړي مرکز بدل شوی.

منطق (Rationale):

«انسان» د خپلو همېشنیو هڅو له لارې غواړي ډیموکراتیک ارزښتونه په افغانستان کې پیاوړي کړي. «انسان» د یو اکاډمیک، ساینسي، عملي او عقلاني روش له لارې غواړي د علمي څېړنو بنسټ ورغوي، ستراتیژیک مطالعات بډایه کړي، او په افغانستان کې د بشري حقونو یو مدافع پلاټفارم رامنځته کړي.
د یوې واقعي ستونزې په توګه، افغان علمي ټولنه د ټولنیز تغیر، د ټولنیز کړکیچ او د ملت جوړونې او دولت جوړونې په اړه د انتقادي تفکر او تحلیل له کمښت سره مخ ده. «انسان» هڅه کوي څو دا موضوعات د علمي مطالعاتو له لارې وڅېړي. «انسان» د هغه فرصتونو او ګواښونو په اړه په ژورې او هدفمندې ارزونې ځانګړی تمرکز کوي چې موږ ورسره د یو ملت په توګه مخامخ یو.
همدا راز، په افغاني ټولنه کې د ژوند ژواک کې مثبت تغیر او د ژوند د شرایطو د ښه‌والي لپاره د هڅو ترمنځ د همغږۍ تشه ده. دې خلاوو ته په کتو، «انسان» ژمن دی څو د تاریخ د بیاځلي مطالعې له لارې د هغه ادبیاتو او متن په اړه ژور تحلیلونه وړاندې کړي چې کلونه یې له تاریخ څخه غلط تعبیر ارایه کړی دی؛ د ناکام¬شویو ستراتيژیو په اړه د سیاستونو بیاکتنه او په افغانستان کې د موډرن ملت-دولت د بنسټونو او محدودیتونو مطالعه چې د دولت جوړونې هڅې یې ناهمغږې کړي دي.

تګلاره (Approach):

«انسان» د ګواښونو او ټولنیزو تحرکاتو په وړاندې له څورښتیز او ستراتيژیک روش څخه ګټه اخلي.
بشري نیکمرغي د یو اساسي ارزښت په توګه، د «انسان» یو لوړ ماموریت دی. موږ د څو موخیزو پروګرامونو له لارې چې غواړو دولت، مدني ټولنه او نور اړوند بنسټونه د پالیسیو د تدوین په داسې یو ګفتمان کې ښکېل کړو چې موخه یې عامه ګټې وي.
«انسان» په یو درې‌ضلعي بنسټ؛ د اصلي څېړنې د ترسره کوونکي، د څېړنیزو او رسنیزو سرچینو د مرکز، او د څېړنیزو زېربیناوو او ظرفیت روزنې باندې کار کوي. «انسان» له درېیو ستنو جوړ دی:
1. څېړنې، پالیسي وړاندیزونه او حق‌غوښتنه؛
2. په څېړنیزو پایلو کې غوره‌توب او د سرچینو مخکښ مرکز؛
3. رسنیز پوښښ او حضور څو نوی ملي بحث رامنځته شي.

لرلید (Vision):

په څېړنه، ښوونه او روزنه او پالیسۍ کې د افغانستان مخکښ انسټیټوټ چې باثباته پراختیا او بشري نیکمرغي تضمین کړي.

ماموریت (Mission):

د یو څېړنیز بنسټ په توګه، «انسان» د باثباته پراختیا لپاره په داسې لارنقشې کښلو کار کوي څو د پراختیایي پروګرامونو په پالیسي جوړونه او اجراء کې موثریت رامنځته شي.
د حاکمو نظریاتو د ننګولو په موخه د یو تولیدي ګفتمان بنسټ اېښودل، د مشرۍ په اړه د خبرو له لارې علمي پولې لویول، ښوونیز او روزنیز پروګرامونه تطبیقول او د پالیسیو بیاکتنه چې د افغانستان د ژوند شرایط ورسره ښه شي، د «انسان» موخې جوړوي.
موخې: 1. په افغانستان کې د بشري او پراختیايي پروګرامونو په اړه د سروې، څېړنې، او پالیسي بیاکتنې ترسره کول؛
2. له بشري حقونو څخه د دفاع هڅې، څو د هغه افغانانو غږ واورېدل شي چې ځوریدلي؛
3. د روښانفکریز او دولتي-عامه تعامل لپاره د زمینې رامنځته کول؛
4. د افغان مېرمنو د پیاوړتیا د هڅو د تحکیم په موخه یو ملي پلاټفارم رامنځته کول؛
5. د حساسو مسایلو په اړه د پوهې تولید او د نشراتو او عامه غونډو د یوې خاصې سلسلې له لارې یې د پایلو شریکول.

اساسي ارزښتونه:

«انسان» په دې باور لري چې ټول انسانان برابر پیدا شوي او انسان تر هر څه مهم دی. د انسانانو ترمنځ د نژاد، رنګ، عقیدې، طبقې، جنسیت او دیني او سیاسي ایډیالوژيو په اساس هېڅ ډول تبعیض نشته. آزادي او برابري د «انسان» دوه ستر ایډیالونه دي. «انسان» باور لري چې ټول انسانان د فکر د آزادۍ، د بیان آزادۍ او د مذهبي آزادۍ حق لري.
په ځانګړي توګه «انسان» په دې ارزښتونو باور لري؛

انساني ارزښتونو ته ژمنتیا

موږ په دې باور لرو چې انسان تر هر څه مهم دی او ښه انساني ژوند زموږ د څېړنو، حق‌غوښتنه، تعلیمي پروګرامونو او پالیسي جوړونې اصلي تمرکز دی.

خپلواکي

زموږ همکاران د هغه ارزښتونو په اساس چې باور پرې په خپلواک ډول کار کوي. دوی په خپلواکه توګه خپل کار پرمخ وړي څو د کارونو کیفیت او اعتبار تر تضمین وروسته تایید شي.

لوړ کیفیت، شفافیت او حساب‌ورکونه

موږ په خپلو څېړنو، پالیسي تحلیلونو او عامه چارو کې د ښه عمل کولو، مبتکرانه روشونو او متواترو پرمختګونو له لارې کیفیت تضمینوو.

ګډکار

موږ په متواتر ډول په دې کار کوو څو د سازمان دننه ښه کاري چاپیریال او غوره ارتباطات رامنځته کړو. موږ په دې باور لرو چې په ملاتړي چاپیریال کې د ګډ کار کولو له لارې کولای شو ډېر څه تولید کړو او اغېزناک و اوسو.

انتقادي تفکر

موږ خپل همکاران او څېړونکي هڅوو څو په شته وضعیت انتقادي دید ولري او هغه قبول شوي نورمونه او جوړښتونه وننګوي چې زموږ ټولنه یې له هره اړخه له رکود سره مخ کړې.

ثبات او پر ځان تکیه

موږ له خپلو سرچینو څخه د اوږدې مودې لپاره د ګټې اخیستنې د سنجېدلي سیاست پلوي یو.

رضاکاري

«انسان» د خپلو همکارانو او نورو افرادو وړیا، ټولنیز او عامه کار او سهم ته ارزښت ورکوي او د هغه چا په لټه کې دي چې غواړي په څېړنیزو او بشري کارونو کې له خپلې ټولنې سره مرسته وکړي.

کارلوری (Mandate):

د «انسان» فعالیتونه داسې جوړ شوي چې؛
• ملي او نړیوالو لوبغاړو ته د څورښتیز لرلید په مرسته پالیسي سلامشورې، پالیسي جوړونکي څېړنې، تحلیلونه او حللارې وړاندې کړي؛
• په پراختیایي سکتور کې د اوږدمهالو پروګرامونو د اغېزمنولو په موخه د پالیسي مجلسونه، د متخصصینو ترمنځ خبرې او د عامه اړیکو ساتل؛
• د ښوونې او روزنې، د ښځو حقونو او باثباته سولې او دې ورته نورو پراختیایي او بشري موضوعاتو لپاره د شبکه‌جوړونې او دفاع یو کلک بنسټ رغول؛
• د ملي، مېلمنو او بهرنیو څېړونکو لپاره د روښنفکرانه تعامل او تبادل فرصت رامنځته کول څو د تېرو پالیسي جوړونکو د کار څرنګوالی، تداوم او خطاوې وڅېړي او د نویو مفکورو په تولید او د هغوی په عملي کولو کې برخه واخلي؛
• کشرانو څېړونکو او محصلینو ته د څېړنیزو او رسنیزو سرچینو او نشراتو د برابرولو او د څېړونکو د ظرفیت روزنې ټرینګونه او ورکشاپونه او د انټرنشيپ د پروګرام فرصت برابرول؛
• د څېړونکو د ظرفیت روزنې او د څېړنیزو سرچینو د یو بډایه مرکز په رامنځته کولو سره او د معتبرو او باکیفیته تحقیق په وړاندې کولو د څېړنیز کلتور رواجول؛
• د څېړنیز ظرفیت د پورته‌وړلو او د څېړنیزې زېربیناء په رامنځته کولو کې د ونډې په موخه، په معیاري توګه عمل کول.
څېړنیز پروګرامونه:
1. دولت او ډیموکراسي
2. سیاست او حقوق
3. اقتصاد او پراختیا
4. حکومتداري او عامه پالیسي
5. ښوونه او روزنه
6. ساینس، ټیکنالوژي او نوښت
7. رسنۍ او ارتباطات
8. روغتیا او چاپیریال
9. کلتور او ټولنه
10. د جګړې د مطالعاتو پروګرام

پورته لاړ شئ