اجراییوي مشرتابه

«انسان» د څېړنو، پالیسیو، بشري فعالیتونو او د ښوونې او روزنې د یو غیر انتفاعي، غیر سیاسي او ناتړلي بنسټ په توګه خپلې عملیاتي چارې د یو ځانګړي کاري میکانیزم پر مټ تنظیموي. د اجراييوي مشرتابه ټول غړي او مشران په لاندې لېسټ کې وګورئ او د هغوی په اړه ولولئ

یادښت

که د «انسان» له اجراييوي برخې سره اړیکه نیسئ، کولای شئ له هر غړي او مسوول سره مستقیم ارتباط ټینګ کړئ، د هغوی پېژندنې ته ورشئ او رسماً ورته خپل پيغام پرېږدئ. زموږ ارتباطاتي څانګه هم کولای شي ستاسو په اړیکه ټینګولو او پيغام رسولو کې مرسته وکړي. خپل پيغام لاندې برېښنالیک ته ولېږئ او یا هم زموږ د اړیکو برخې ته ورشئ

فهیم‌الله کریم
عمومي رییس

فهیم کریم په ۱۹۹۲ کې په میدان وردګو ولایت کې زېږېدلی دی او په ۱۳۸۷ کې د کابل ښار د محمود هوتکي له عالي لیسې څخه فارغ شوی. ښاغلي کریم له کابل پوهنتون څخه د ارواپوهنې او روزنیز علومو په برخه کې لیسانس او په ۲۰۱۸ کې له افغانستان پوهنتون څخه په نړیوالو اړیکو کې ماسټري کړې ده.

ښاغلي کریم په ۲۰۱۳ کې د انسان مجلې بنسټ کېښود او د لومړني مسوول مدیر په توګه یې پیل کړه. هغه له ۲۰۱۴ څخه تر ۲۰۱۹ پورې د سرحدونو او قبایلو چارو په وزارت کې د څېړونکو د بورډ د مشر په توګه دنده ترسره کړې ده او اوسمهال د انسان انسټیټوت عمومي رییس دی.

ضیاءالحق شمس
د څېړنیزو چارو مرستیال

ضیاألحق شمس د کابل په ختیځ، کال ۱۳۶۵ کې زېږېدلی. استقلال عالي لېسه او بیا یې په خاتم النبیین پوهنتون کې د ټولنپوهنې زده کړې کړي. ماسټري یې په څېړنیزه ټولنپوهنه کې له کاتب نه وکړه او ۱۳۹۴ کې فارغ شو. کار یې له پوهنتونونو سره د تدریس په برخه کې او له رسنیو سره په تولید، ویناولۍ او تحلیل کې کړی دی. اته کاله یې د کابل په ګڼو پوهنتونونو په اجتماعي علومو پوهنځیو کې درس ورکړی او شاوخوا لس کاله یې له رسنیو سره کار کړی چې وروستۍ دنده یې په موبي ګروپ کې وه. تر شلو مقالې لري چې په بېلابېلو خپرونو کې خپاره شوي دي.

ښاغلی شمس اوسمهال د انسان انسټیټوت د ټولو څېړنیزو چارو مرستیال دی.

شفیقه نېکزاد
د انسان ایجوکېشن او د ښوونیزې پالیسۍ د مرکز مشره

شفیقه نېکزاد د پکتیکا ولایت د کټواز ولسوالۍ ده او په کابل کې زېږېدلې. په ۱۳۸۷ کې له ښوونځي فارغه او په ۱۳۹۳ کې د کابل پوهنتون د ارواپوهنې او ښوونیزو علومو له پوهنځي فارغه شوې ده. آغلې نېکزاد په ۲۰۱۷ کې د ښوونیز مشرتابه او مدیریت په برخه کې د کابل د ښوونې او روزنې له پوهنتون څخه ماسټري ترلاسه کړه.

له ۲۰۱۳ راپدېخوا د انسان مجلې د پیل سره هم‌مهاله مېرمن شفیقه نېکزاد د یادې مجلې له بنسټ اېښودونکو څخه وه او د مرستیالې او کلتوري چارو د مسوولې په توګه یې په تېرو اوو کلونو کې بې‌سارې ونډه اخیستې ده. مېرمن نېکزاد له ۲۰۱۴ تر ۲۰۱۸ میلادي کال پورې له پوهنې وزارت سره د (Education Quality Improvement Program) په برخه کې د Education Assessment Officer په توګه کار کړی او د هیواد په سطحه یې د مرکز او ولایاتو له ښوونځیو نه څارنه او ارزونه کړې ده.

آغلې نیکزاد نژدې دوه کاله راهیسې د جمهوري ریاست چارو ادارې عمومي ریاست د څارنې او ارزونې ریاست سره د پوهنې سکټور د مسولې په توګه دنده ترسره کوي، او هم‌مهاله د انسان انسټیټوټ د ښوونې او روزنې د ستر پروګرام مشره او د ښوونیزې پالیسۍ د مرکز مسووله ده.

اېمل جلال
د کلتوري مطالعاتو پروګرام مشر

سید ایمل جلال په ۱۹۸۶م کال کې په ننګرهار کې زېږېدلی دی. د آریانا افغان – ترک له لېسې څخه په ۲۰۰۵م کال کې فارغ شوی او د لوړو زده کړو لپاره ترکیې ته تللی دی. په ۲۰۱۵م کال کې د انقرې د پوهنتون د سیاسي علومو او نړیوالو اړیکو له څانګې یې د لېسانس سند ترلاسه کړی. په ۲۰۱۸ م کال کې په انقره کې د منځني ختیځ د تخنیکي پوهنتون څخه یې د مېډیا او فرهنګي مطالعاتو په برخه کې د ماسټرۍ لومړی سند تر لاسه کړی او په همدې کال یې د سیاست د تیورۍ په برخه کې دویمه ماسټري پیل کړې چې یوه میاشت د پای ته رسېدلو په درشل کې ده.

ایمل جلال د ۲۰۰۸ څخه تر ۲۰۱۸ پورې د لسو کلونو لپاره د ترکیې د راډیو ټلوېزیون په چوکاټ کې د ترکیې غږ راډیو د پښتو خپرونو او بیا وروسته د افغانستان د څانګې د مسئول په توګه د ژورنالېست، د افغانستان او منځني ختیځ د چارو د شننونکي په توګه رسمي دنده ترسره کړې. په ۲۰۱۸ کې د ملي امنیت د شورا په دفتر کې د پالېسۍ او ستراتېژۍ د مشاور په توګه دنده اجرا کړې او اوسمهال په ملي راډیو ټلوېزیون کې ستراتېژیکو اړیکو او تولید د مشاور په توګه دنده اجرا کوي.

نوموړی همدا راز په انسان انسټیټوټ کې د فرهنګي مطالعاتو د پروګرام مشر دی.

فرمان‌الله کریمي
مالي او اداري آمر

فرمان‌الله كريمي په ١٩٩٦ كال په میدان وردگو ولايت کې زېږېدلی دی. ښاغلي کريمي خپلې لومړنۍ زدهکړې د کابل ولايت قلعه کاشف ليسه کې پای ته رسولې دي او په کال ۲۰۱۷ کې د کابل پوهنتون د اقتصاد پوهنځي څخه فارغ شوی دی. سربيره پر دې ښاغلي کريمي د ACCA يا حسابدارۍ نړيوالې ټولنې ۴ ګريډه کتابونه په بريا سره سرته رسولي دي.

ښاغلی کریمي په ورته‌مهال د انسان انسټیټوټ مالي او اداري آمر دی

محمد باسط واحدي
څېړونکی او د څېړنې او پراختیا د برخې مسوول

محمد باسط واحدي له نړیوال اسلامي پوهنتون څخه په ۲۰۱۹ کې په اقتصاد او مالیه کې ماسټري او د لاهور له شاهي کالج څخه په۲۰۱۶ کې په اداره او تجارت کې لېسانس لري. ښاغلي واحدي په نړیوال اسلامي پوهنتون کې د اسلامي اقتصاد په نړیوال انسټیټیوټ کې د څېړنو د برخې اسیسټاڼټ پاتې شوی، او اوس مهال په جهان او افغان خصوصي پوهنتونونو کې تدریس کوي.

واحدي په کور دننه او د نړي په معتبرو جورنالونو، مجلو او اخبارونو کې د افغانستان د اقتصادي وضیعت په اړه مقالي لیکلي او سربیره پر دې هغه درې کتابونه په ارواپوهنه، اقتصاد او ځان جوړونه کې ژباړلي چې "مه وېرېږه " یې تازه چاپ شوی دی.

ښاغلی واحدي اوسمهال له انسان انسټیټوت سره د څېړونکي په توګه کار کوي او د څېړنې او پراختیا د برخې مسوولیت لري.

سید منصور سادات
مالي او اداري مدیر

سيد منصور سادات په کال ۱۹۹۴ کې لوگر ولايت کې زيږيدلی او خپلې ابتدايي زدکړې يې د غزني ولايت سنايي عالي ليسه کې پای ته رسولي او په کال ۲۰۱۸ کې د هندوستان د بنگلور پوهنتون د اقتصاد پوهنځي څخه فارغ شوی دی. وروسته، نوموړي خپل يو کلن فوق ليسانس زده کړې په نړيواله سوداگرۍ د هندوستان هيواد د مونټ کارمل پوهنتون کې سرته رسولي او په ياد کال ۲۰۱۸ کې فارغ شوی دی.

سربيره پردې، د IOSR او South Asia نړيوالو ژورنالونو کې د ښاغلي سادات څيړنې او لیکنې خپرې شوي دي.

هغه اوسمهال د انسان انسټیټوت مالي او او اداري مدیر دی.

سلېمان نثار
مرستیال څېړونکی، د جګړې مطالعاتو پروګرام

سلېمان نثار په ۱۹۹۸ کې په کابل زېږېدلی او په ۲۰۱۵ کې له دولسم ټولګي فارغ شوی. ښاغلي نثار خپل د لیسانس سند په قضاء او څارنوالۍ کې له تابش پوهنتون څخه په ۲۰۲۰ کال کې ترلاسه کړی دی، او اوسمهال د اروپايي ټولنې د ایراسموس پلس په پروګرام کې د اقتصاد او کډوالۍ مطالعاتو په برخه کې زده‌کړې کوي.سلېمان نثار په ۱۹۹۸ کې په کابل زېږېدلی او په ۲۰۱۵ کې له دولسم ټولګي فارغ شوی. ښاغلي نثار خپل د لیسانس سند په قضاء او څارنوالۍ کې له تابش پوهنتون څخه په ۲۰۲۰ کال کې ترلاسه کړی دی، او اوسمهال د اروپايي ټولنې د ایراسموس پلس په پروګرام کې د اقتصاد او کډوالۍ مطالعاتو په برخه کې زده‌کړې کوي.

ښاغلي نثار په لسګونو تمثیلي محکمو کې برخه اخیستې او هلته د لارښود په توګه پاتې شوی دی. هغه اوسمهال له انسان انسټیټوت سره د جګړې مطالعاتو په پروګرام کې مرستیال څېړونکي په توګه کار کوي.

پورته لاړ شئ