د فرهنگي مطالعاتو په زمینه کې پرلپسې ناستې

بشر چې څومره ژوند کړی له موسیقۍ سره یې کړی. موسیقي کله د بشر فریاد، کله د ژوند کولو او لذت تجربه، کله هم معرفتي روش او یا یو ډول د وجودي تجربې یو حالت ګڼل کېږي.  

دا دی دا ځل د موسیقۍ په هکله د فرهنګي مطالعاتو یوه لړۍ پیلېږي. انسان په دغو ناستو کې د رابللیو متخصصینو د بحثونو په منطق غواړي په د موسیقۍ او په ځانګړې توګه د افغانستان د موسیقۍ پر نوې پېژندنه تمرکز وکړي. په دې توګه به دا بحثونه را پورته شي چې څومره زمونږ اوسنۍ موسیقي همغه ده چې زمونږ اصیله موسیقي ګڼل کېږي؛ یا خلک د موسیقي په هکله څومره پوهېږي او ورسره په فرهنګ کې ژوند-ژواک لري؛ هنرمند څوک دی او د ټولنې او فرهنګ اوسني شرایط مو څومره او څنګه موسیقي منځ ته راوړلی شي؛ دا موسیقي د فریاد، لذت، وجودي تجربې او یا هم سیاسي او فرهنګي هویت لپاره کارېدلې او ونډه درلودلې؛ یا نوې موسیقۍ، ملي موسیقي، د خلکو موسیقي او ورځنۍ موسیقي کومې دي او داسې نورې.

دا مهال «انسان» چمتو دی دغه بحثونه پیل کړي او په یو ډول پرلپسې ناستو یې پرمخ یوسي. د پیلني بحث لپاره دا عمومیات مطرح کېږي چې افغاني موسیقي او ځانګړتیاوې یې د خبرو موضوع وي.

ویناوال:

ډاکتر احمد ناصر سرمست

د افغانستان موسیقۍ ملي انسټیوټ رییس

استاد وحید قاسمي

د افغانستان موسیقي پېژندونکی او د ملي راډیو تلویزیون د موسیقۍ رییس

 

وخت: پنجشنبه، ماسپښین دوه بجې/ د دلوې ۲۴مه ۱۳۹۸

ځای: کابل، دارالامان واټ، د کاتب پوهنتون کوڅه، د کاتب پوهنتون د څېړنو مرکز ترڅنګ، «انسان» هاوس

شریک کړئ