د عامه غونډو، بحثونو او لیکچرونو تعطیل
«انسان» د مارچ له لومړۍ نېټې راپدېخوا په بېړني ډول خپل ټول عامه مجلسونه او بحثونه بند کړل. د انسان ټاکس د اونیزو مجلسونو او د یو مشخص عملیاتي پلان له مخې د پلان شویو غونډو بېړنی بندښت اعلان کړ. په دې تړاو د انسان ټاکس ویبپاڼه وګورئ
د مارچ ۱۵مه د انلاین کار پرېکړه
د مارچ په ۱۵مه ۲۰۲۰ د «انسان» مشرتابه د یو ځانګړې ناستې په لړ کې پرېکړه وکړه چې ټول همکاران له دې وروسته د یوې میاشتې لپاره کورونو څخه کار وکړي او هغه همکاران چې عمرونه یې له پنځوسو پورته دي، کولای شي تر دوه اونیو په خپلو کورونو کې پاتې شي. دا چې «انسان» د افرادو د تعداد له مخې ستر بنسټ نه دی، نو هغه همکاران چې کولای شي ځانونه د خپل بهتره صحت په موخه وساتي کولای شي همدلته د قرنطین په توګه پاتې شي او له بهر سره ټولې اړیکې پرې کړي.
د انسان مېلمانه او غونډې
مشرتابه د یو ځانګړي کاري پروتوکول له مخې «انسان» ته احتمالي مېلمانه او افراد منع کړل او په رسمي ډول د عامو خلکو پر مخ د مجلسونو او بحثونو لپاره د یوې میاشتې په موخه بند شو. ټول هغه مېلمانه چې د کاري ارتباط له مخې «انسان» ته رابلل کېږي، مکلف دي چې رسمي او دفتري ساحې تر ننوتو وړاندې له ټولو طبي او صحي طرزالعملونو څخه استفاده وکړي.
کاري مجلسونه او مشورې کاري مجلسونه باید تر لسو نفرو کم او د دفتر په تر ټولو لویه خونه کې ترسره شي.
له همکارانو سره د غوره تفاهم او ښه صحت په موخه متواترې سلامشورې وشي.
خوراک او څښاک د خوراک او څښاک لپاره کارېدونکي یو شمېر توکي چې تر دې وړاندې په نورمال ډول کارېدل، بند او د یو ځل کارېدونکو وسایلو څخه ګټه واخیستل شي.
سفرونه
«انسان» په ټولو همکارانو د باندې تګ او د رسمي سفر محدودیت وضع کوي او هېڅ یو غړي ته اجازه نه ورکوي چې د دفتري کار په موخه سفر وکړي. همدا راز د افغانستان د دولت، عامې روغتیا وزارت او د روغتیا د نړیوال سازمان د لارښوونو په اساس ټول هغه ځایونه چې تجمعات لري، خلک را ټولیږي او عامه سیمې بلل کېږي، د ورتګ مخنیوی دې وشي.